Convocatoria de axudas para actividades de dinamización sociocultural, físico-deportiva e cultural nos centros da USC
Convocatoria de axudas para actividades de dinamización sociocultural, físico-deportiva e cultural nos centros da USC
Identificación
Código: PAE-22/06
Nome: Convocatoria de axudas para actividades de dinamización sociocultural, físico-deportiva e cultural nos centros da USC.
Clasificación: Extensión universitaria, Axudas, Axudas para dinamización dos centros.
Inicio e instrucións
Enderezo de inicio: Formulario de solicitude
O procedemento iníciase coa presentación do formulario de solicitude de participación na convocatoria por parte da persoa interesada na sede electrónica da Universidade de Santiago de Compostela.
O formulario está dispoñible na seguinte ligazón e na propia convocatoria, publicada no Taboleiro Electrónico da Universidade de Santiago de Compostela. Pódense descargar os anexos requiridos en formato editable facendo clic sobre ANEXO II e ANEXO III.
Todos os requirimentos da convocatoria pódense consultar na seguinte ligazón, onde se indican os requisitos de participación, o prazo de presentación de solicitudes e o lugar onde se pode seguir o procedemento.
O procedemento remata coa resolución de concesión das axudas de conformidade coa proposta da comisión de avaliación, a cal se realizará nun prazo máximo de catro meses dende o día seguinte á publicación da convocatoria no taboleiro. Anteriormente publicarase unha resolución provisional coa lista daqueles proxectos seleccionados que obtivesen maior puntuación e na que se indicará un prazo de alegacións de dez (10) días hábiles contados a partir do día seguinte á súa publicación no taboleiro.
Unha vez rematado o dito prazo e revisadas as alegacións, a Vicerreitoría de Estudantes e Cultura publicará a lista definitiva cos proxectos adxudicados e os beneficiarios das correspondentes axudas. A lista definitiva dos proxectos seleccionados publicarase no taboleiro de anuncios electrónico oficial da USC, así como na páxina web.