Solicitude das axudas para a manutención do estudantado nas cafeterías e comedores universitarios
Solicitude das axudas para a manutención do estudantado nas cafeterías e comedores universitarios
Identificación
Código: PAE 23/28
Nome: Solicitude das axudas para a manutención do estudantado nas cafeterías e comedores universitarios.
Clasificación: Extensión universitaria, Axudas, Axudas de manutención.
Inicio e instrucións
Enderezo de inicio: Formulario de solicitude
FINALIDADE
As axudas para manutención da USC teñen como obxectivo contribuír aos gastos de alimentación do estudantado mediante a concesión de bonos de comedor, intercambiables por menús nos períodos lectivos establecidos no calendario académico.
Tipos de bono
As persoas beneficiarias poderán obter un dos seguintes tipos de bono:
- Bono Tipo 1: 80 consumos (máximo 500 unidades).
- Bono Tipo 2: 60 consumos (máximo 400 unidades)
- Bono Tipo 3: 40 consumos (o número repartido fixarase en función das solicitudes)
As características, duración e número de menús asociados a cada modalidade figuran detalladas na convocatoria.
DESCRICIÓN
Quen pode solicitalas?
Poderá solicitar estas axudas o estudantado que cumpra os seguintes requisitos:
1. Requisitos académicos
- Estar matriculado/a no curso correspondente nunha titulación oficial de grao ou máster da USC.
- Ter matriculados:
- Un mínimo de 30 créditos.
- Ou, no caso dos estudos de grao, os créditos que resten para finalizar a titulación.
- Non estar en posesión dun título do mesmo ou superior nivel ao dos estudos para os que se solicita a axuda.
- O estudantado participante en programas de mobilidade dun único semestre poderá optar exclusivamente ao bono Tipo 3.
2. Requisitos económicos
A concesión das axudas terá en conta a situación económica da persoa solicitante.
Renda Persoal Dispoñible (RPD)
- A RPD non poderá superar os 9.000 €.
- Excepcionalmente, poderán valorarse situacións económicas ou laborais sobrevidas de especial gravidade, debidamente acreditadas, aínda que se supere este límite.
Criterios de valoración
A puntuación máxima será de 100 puntos.
1. Circunstancias económicas (ata 60 puntos)
Valorarase:
- A Renda Persoal Dispoñible (RPD).
- Ou, alternativamente, situacións económicas ou laborais sobrevidas que impliquen un grave deterioro da economía familiar.
2. Circunstancias persoais, familiares e sociais (ata 40 puntos)
Valoraranse as seguintes situacións:
- Violencia de xénero.
- Familia monomarental ou monoparental.
- Discapacidade da persoa solicitante.
- Discapacidade de membros da unidade familiar.
- Responsabilidades familiares acreditadas.
- Situación de orfandade.
- Familia numerosa.
- Acollemento ou tutela administrativa.
- Protección internacional ou condición de persoa refuxiada.
- Violencia intrafamiliar ou outras formas de violencia acreditadas.
- Situacións de vulnerabilidade ou exclusión social acreditadas.
A puntuación específica de cada criterio pode consultarse na convocatoria completa.
Resolución do procedemento
A xestión e valoración das solicitudes corresponderá á Vicerreitoría de Estudantado, Igualdade, Diversidade e Benestar.
Publicación de resultados
- Publicación da resolución provisional.
- Prazo para presentación de alegacións.
- Publicación da resolución definitiva no Taboleiro Electrónico da USC.
Prazo máximo de resolución
A resolución definitiva publicarase nun prazo máximo de dous meses desde a publicación da convocatoria.
Se transcorrido este prazo non existe resolución expresa, a solicitude entenderase desestimada por silencio administrativo.
Consulta a convocatoria completa para coñecer o detalle dos tipos de bono, a documentación requirida e os criterios de valoración aplicables.