Ir ao contido da p�xina

Solicitude das axudas ao estudo para o estudantado da USC

Solicitude das axudas ao estudo para o estudantado da USC

Identificación

Código: PAE 24/04

Nome: Solicitude das axudas ao estudo para o estudantado da USC.

Clasificación: Extensión universitaria, Axudas, Axudas ao estudo.

Inicio e instrucións

Enderezo de inicio: Inicio do procedemento

FINALIDADE

A Universidade de Santiago de Compostela (USC), en colaboración co Banco Santander, convoca as Bolsas Santander Estudos Axuda Económica co obxectivo de:

  • Recoñecer o rendemento académico.
  • Favorecer a igualdade de oportunidades.
  • Apoiar o estudantado que se encontre en circunstancias persoais, familiares ou sociais que poidan dificultar a continuidade dos seus estudos.

 

DESCRICIÓN

Número de axudas

225 axudas en total:

  • 175 de asignación xeral.
  • 50 destinadas ao estudantado con circunstancias persoais, familiares ou sociais específicas.

Requisitos

Poderá solicitar a axuda o estudantado que:

-Estea matriculado na USC no curso correspondente en estudos oficiais de grao ou máster presencial.

-Teña matriculados, como mínimo:

  • 60 créditos, con carácter xeral.
  • 30 créditos, nos seguintes casos:
    • Estudantado con circunstancias específicas recollidas na convocatoria.
    • Estudantado de segundo curso dun máster de 90 créditos.

-Estea ao corrente do pagamento dos prezos públicos.

-Non estea en posesión dun título do mesmo ou superior nivel ao dos estudos para os que solicita a axuda.

-Non incorra en ningunha das prohibicións previstas no artigo 13.2 da Lei 38/2003, xeral de subvencións.

 

Consideracións específicas

  • No caso dos estudos de grao, se restan menos de 60 créditos para finalizar a titulación, deberá formalizarse a matrícula dos créditos pendentes.
  • No caso dos estudos de máster, deberá estar obtido o título que dea acceso a estes estudos.

 

Criterios de valoración

Tanto as axudas de asignación xeral como as destinadas ao estudantado con circunstancias persoais, familiares ou sociais específicas, adxudicaranse segundo a nota media do expediente académico, aplicados os coeficientes correctores, do seguinte xeito:

  • Novo ingreso en grao: valorarase a nota de acceso á universidade.
  • Primeiro curso de máster: valorarase a nota media da titulación que dá acceso ao máster.
  • Resto do estudantado: terase en conta a nota media do expediente ao remate do curso anterior.

No caso de empate, aplicaranse os criterios establecidos na convocatoria.

 

Resolución

O procedemento será instruído pola Vicerreitoría de Estudantado, Igualdade, Diversidade e Benestar.

 

Publicación de resultados

  1. Publicación da resolución provisional no Taboleiro Electrónico da USC.
  2. Prazo para presentar alegacións.
  3. Publicación da resolución definitiva.

 

Prazo máximo de resolución

A resolución definitiva publicarase nun prazo máximo de dous meses desde a publicación da convocatoria.

Se transcorrido este prazo non existe resolución expresa, as solicitudes entenderanse desestimadas por silencio administrativo.

 

Consulta a convocatoria completa para coñecer todos os requisitos, documentación e criterios de desempate aplicables.