Ir ao contido da p�xina

Convocatorias de mobilidade de persoal xestionadas pola Oficina de Mobilidade

Procedemento para solicitar a participación nas convocatorias de mobilidade internacional para o persoal da USC, xestionadas pola Oficina de Mobilidade e financiadas principalmente a través do programa Erasmus+.

Identificación

Código: PAE 26/02

Nome: Convocatorias de mobilidade de persoal xestionadas pola Oficina de Mobilidade.

Clasificación: Internacionalización, Convocatorias, Programas de mobilidade de persoal.

Inicio e instrucións

Enderezo de inicio: Convocatorias de mobilidade de persoal xestionadas pola Oficina de Mobilidade

Descripción:

O procedemento iníciase coa presentación da solicitude na sede electrónica da USC. No enderezo de inicio do procedemento está dispoñible o formulario de solicitude que se debe cubrir de xeito electrónico.

Todos os requerimentos das convocatorias correspondentes pódense consultar na seguinte ligazón onde se indica a documentación que hai que presentar e o momento de facelo.

As emendas deben realizarse a través da mesma ligazón indicando esa circunstancia no Asunto.

O procedemento remata coa resolución de asignación de axudas correspondente a aquelas solicitudes que resulten beneficiarias por parte da Vicerreitoría de Ordenación Académica e Oferta Formativa.

Os efectos do silencio administrativo serán desestimatorios. 

Contra a presente resolución, que esgota a vía administrativa, poderase interpoñer un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

 

Non obstante, as persoas interesadas poderán interpoñer un recurso potestativo de reposición no prazo de un mes perante o órgano que a ditou. Neste caso non se poderá interpoñer o recurso contencioso-administrativo antedito mentres non recaia resolución expresa ou presunta do recurso administrativo de reposición, ao abeiro dos artigos 123 e seguintes da Lei 39/2015, do 1 de outubro, do procedemento administrativo común das administracións públicas.

 

Finalidade:

Este procedemento deséñase para que o persoal docente e de investigación (PDI) e persoal técnico e de administración e servizos (PTXAS) da USC poidan solicitar a súa participación en procesos de adxudicación de axudas de mobilidade internacional xestionadas pola Oficina de Mobilidade, nomeadamente as referidas a fondos Erasmus+ da Acción Chave 1 (KA131 e KA171).

Documentación asociada ó procedemento