Queixas e suxestións en xestión académica
Presentación de queixas e suxestións sobre os servizos vinculados a área académica da USC
Identificación
Código: PX-04/1
Nome: Queixas e suxestións en xestión académica.
Clasificación: Xestión académica, Reclamacións, Queixas.
Inicio e instrucións
Enderezo de inicio: Oficina de Análise de Reclamacións
FINALIDADE
Serve para que o alumnado ou os usuarios de servizos vinculados á área académica da USC realicen suxestións e queixas en relación ao funcionamento dos servizos docentes, administrativos e de apoio da USC. Tamén lle ofrece á comunidade universitaria un sistema aberto ás opinións e suxestións co fin de mellorar a xestión académica e, por extensión, o servizo público que presta a Universidade de Santiago de Compostela.
DESCRICIÓN
O proceso iníciase coa presentación por parte do/a interesado/a, a través da Secretaría Virtual ou da páxina web da Oficina de Análise de Reclamacións (OAR), da queixa ou suxestión que pretenda realizar.
A OAR recíbea e analízaa e, de ser necesario, solicita informe á unidade ou órgano correspondente da USC co obxecto de obter a información para dar resposta á queixa ou suxestión. Unha vez recibidos e analizados os informes a OAR respóndelle ao/á interesado/a.
O alumnado está ao tanto do estado de tramitación da súa reclamación a través do correo electrónico e da Secretaría Virtual.