Matrícula extraordinaria
Solicitude de matrícula extraordinaria
Identificación
Código: PXA-03/7
Nome: Matrícula extraordinaria.
Clasificación: Xestión académica, Matrícula, Matrículas especiais.
Inicio e instrucións
Enderezo de inicio: Formulario de solicitude
FINALIDADE
Este procedemento está dirixido a calquera persoa que desexe inscribirse en cursos dos que ofrece a universidade regularmente sen aspirar á obtención dun título e independentemente de que posúa, ou non, titulación de acceso a eles. Os estudos realizados a través do procedemento de matricula extraordinaria non terán efectos académicos oficiais en España.
DESCRICIÓN
O procedemento iníciase mediante unha solicitude do interesado dirixida ao Reitor, presentada antes do inicio das actividades académicas.
Na solicitude deberá indicar as materias concretas que desexa cursar, o motivo do seu pedimento, e un breve currículo académico e profesional. A solicitude poderá presentarse a través do formulario habilitado para este procedemento.
Os servizos administrativos da universidade xestionarán a resolución, favorable ou non, que será notificada ao alumno. De ser admitido, deberá formalizar matrícula na Unidade de Xestión Académica.
A falta de resposta por parte da universidade, faculta ao interesado para entender desestimada a súa solicitude, por silencio administrativo negativo.
Contra esta resolución, que pon fin á vía administrativa, cabe interpoñer recurso contencioso – administrativo no prazo de dous meses a contar desde o día seguinte á recepción. Non obstante, poderase interpoñer recurso de reposición no prazo dun mes, perante o órgano que ditou a resolución, debendo esperar á resolución deste recurso, no suposto de querer acudir á vía contencioso – administrativa.