Denuncia recollida no Protocolo de prevención do acoso sexual
Solicitude de incoación do procedemento de actuación regulado no capítulo III do Protocolo de prevención e actuación fronte ao acoso sexual e o acoso por razón de sexo, orientación sexual e identidade de xénero da USC
Identificación
Código: LDA/01
Nome: Denuncia recollida no Protocolo de prevención do acoso sexual.
Clasificación: Loita contra a discriminación e o acoso, Denuncias, Acoso sexual.
Inicio e instrucións
Enderezo de inicio: Solicitude
FINALIDADE
Inicio do procedemento de actuación do Protocolo fronte ao acoso sexual e o acoso por razón de sexo, orientación sexual e identidade de xénero da USC.
DESCRICIÓN
O proceso iníciase coa presentación da denuncia:
- pola persoa afectada ou persoa que a represente (neste caso a denuncia debe ir acompañada de outorgamento de apodereamento).
- por terceira persoa distinta da vítima.
A denuncia é recibida pola Oficina de Igualdade de Xénero que, no prazo de tres días, remitirá toda a documentación á presidencia da Comisión de atención ás situación de acoso sexual, acoso por razón de sexo, orientación sexual e identidade de xénero.
Admisión ou inadmisión da denuncia:
Unha vez recibida a denuncia, a presidencia convocará aos membros da comisión para a admisión ou inadmisión da mesma.
No suposto de denuncia presentada por terceira persoa:
- a presidencia deberá facer chegar á vitima o contido para a súa ratificiación.
- de non ratificala procederase ao arquivo da denuncia.
Inadmisión: o acordo de inadmisión deberá ser motivado e comunicado por escrito á persoa que consta como vítima ou á persoa que a represente.
Admisión: o acordo de admisión a trámite da denuncia e do inicio da instrucción comunicarase por escrito ás partes coa maior brevidade posible sinalando a data de audiencia.