Traslado dun expediente da USC a outra universidade española
Solicitude de traslado do expediente a outras universidades, tanto para iniciar como para continuar estudos
Identificación
Código: PXA-07/12
Nome: Traslado dun expediente da USC a outra universidade española.
Clasificación: Xestión académica, Expedientes académicos, Cambios e correccións no expediente.
Inicio e instrucións
Enderezo de inicio: Formulario solicitude
FINALIDADE
Este procedemento está dirixido a:
- Alumnos que realizaran a Proba de acceso á universidade na Universidade de Santiago de Compostela e van a iniciar estudos noutro Distrito Universitario (fóra de Galicia) e,
- Alumnos que iniciaron unha titulación oficial na USC e van a empezar a mesma ou distinta titulación noutra universidade.
DESCRICIÓN
O procedemento iníciase mediante a solicitude da persoa interesada a través do formulario correspondente, premendo no enderezo de inicio.
A persoa interesada deberá achegar a carta de admisión expedida pola universidade de destino.
O LERD ou a UXA correspondente, comprobarán que a solicitude se axusta á normativa e enviarán ao solicitante, no caso de ser correcta, os impresos de taxas para liquidar os dereitos de traslado.
Unha vez que o interesado acredite o pagamento, o LERD ou a UXA remitiranlle un xustificante de ter solicitado o traslado.
Este procedemento require o pagamento de taxas.